افغان دارالحکومت کابل پر طالبان کے کنٹرول اور اشرف غنی کے ملک سے فرار ہونے کے بعد افغانستان میں بسنے والوں کا جمِ غفیر ملک سے باہر نکلنے کے لیے کابل کے ائیرپورٹ پر جا پہنچا جہاں انتہائی افرا تفری کا عالم تھا۔
حالات کی سنگینی کے باعث کابل ائیرپورٹ پر فلائٹ آپریشن معطل رہا جس کے بعد ائیرپورٹ پر ہی لوگوں کا ہجوم لگ گیا۔
میڈیا رپورٹس کے مطابق پیر کے روز کابل ائیرپورٹ پر ہونے والی افراتفری کے نتیجے میں 7 افراد اپنی جان کی بازی ہار گئے۔
ایسے میں پیر کے روز اس افراتفری کی سیٹلائٹ سے کچھ تصاویر لی گئیں جو کہ کابل کے حامد کرزئی انٹرنیشنل ائیرپورٹ پر شہریوں کی بد حواسی کا واضح نمونہ پیش کررہی ہیں۔
کابل ائیرپورٹ پر افراتفری کی سیٹلائٹ تصاویر وائرل
