مہنگائی کا نیا طوفان آنے کو تیار، ڈالر 190 روپے کی بلند ترین سطح پر پہنچ گیا

انٹربینک میں ڈالر ایک روپیہ 34 پیسے اضافے سے تاریخ کی بلند ترین سطح پر پہنچ گیا۔

کاروباری ہفتے کے تیسرے روز انٹربینک میں ڈالر 190 روپے کے ریٹ پر فروخت ہونے لگا جبکہ اوپن مارکیٹ میں ڈالر 2 روپے مہنگا ہوا جس کے بعد 191 روپے 50 پیسے پر ٹریڈ ہوا۔ دوسری جانب سٹاک مارکیٹ میں 425 پوائنٹس کی کمی سے 100 انڈیکس 43 ہزار 79 پوائنٹس کی سطح پر ٹریڈ ہوا۔

گذشتہ روز انٹر بینک میں روپے کے مقابلے میں امریکی ڈالر کی قیمت میں ایک روپیہ 13 پیسے کا بڑا اضافہ دیکھا گیا تھا، جس کے بعد ڈالر کی قیمت 187 رپے 53 پیسے سے بڑھ کر 188 روپے 66 پیسے ہو گئی تھی۔

واضح رہے کہ رواں مالی سال ڈالر کی قیمت میں 32 روپے 46 پیسے کا اضافہ ہو چکا ہے، ڈالر کی قیمت میں اضافے سے بیرونی قرضوں کے بوجھ میں 4 ہزار ارب روپے کا بوجھ بڑھا ہے۔

اپنا تبصرہ بھیجیں