وزیراعظم آج ایک روزہ دورے پر کراچی پہنچیں گے

وزیراعظم شہباز شریف آج ایک روزہ دورے پر کراچی پہنچیں گے۔

دورہ کراچی کے دوران وزیراعظم کراچی شپ یارڈ اینڈ انجینئرنگ ورکس میں ہونے والی تقریب میں بطور مہمان خصوصی شرکت کریں گے۔
اس موقع پر ترک وزیر دفاع سے بھی وزیراعظم سے ملاقات کریں گے۔

بعد ازاں وزیراعظم ممتاز کاروباری شخصیات سے ملاقات کریں گے اور موجودہ مخدوش معاشی صورتحال سے نمٹنے کے حوالے سے ان کی تجاویز سنیں گے۔
خیال رہے کہ وزیر اعظم شہباز شریف کی تمام ملاقاتیں وزیر اعلیٰ ہاؤس میں ہوں گی جہاں وزیر وہ تاجروں اور ن لیگ کے وفود سے ملاقاتیں کریں گے۔

پاک بحریہ کے لیے تعمیر کیے جانے والے ملجم کلاس جہاز پی این ایس بدر کی لانچنگ کی تقریب آج کراچی شپ یارڈ میں منعقد کی جارہی ہے۔
پاک بحریہ کے لیے چار ملجم کلاس جہازوں کی تعمیر کا معاہدہ ستمبر 2018 میں پاکستان نیوی اور ایم ایس اسفات ترکی کے مابین طے پایا جس کے تحت دو جہاز ترکی میں جبکہ دو پاکستان میں تعمیر کیے جائیں گے۔

اس سلسلے کے پہلے جہاز پی این ایس بابر کی لانچنگ اگست 2021 میں استنبول، ترکی میں کی گئی. پی این ایس بدر اس معاہدے کے تحت مقامی طور پر تعمیر کیا جانے والا پہلا جہاز ہے۔

مقامی سطح پر جدید اسٹیٹ آف دی آرٹ ملجم کلاس جہازوں کی تعمیر ملکی شپ بلڈنگ اور ڈیزائننگ کی صلاحیتوں میں اضافے کا باعث بنے گی۔

اپنا تبصرہ بھیجیں