الیکشن کمیشن آف پاکستان کی جانب سے پنجاب اسمبلی کے 25 منحرف اراکان کو ڈی نوٹیفائی کردیا گیا ہے جس کے بعد 25 نشستیں خالی قرار دے دی گئیں ہیں۔
چیف الیکشن کمشنر اور ممبران نے پی ٹی آئی منحرف ارکان کو ڈی نوٹیفائی کرنے کی منظوری دیدی ہے۔
الیکشن کمیشن کے مطابق راجہ صغیر،غلام رسول سنگھا،سعید اکبر خان، محمد اجمل،علیم خان کو ڈی نوٹیفائی کیا گیا ہے۔
اسکے علاوہ نذیر چوہان، امین زولقرنین، نعمان لنگڑیال، محمد سلمان، زوار وڑائچ سمیت نذیر احمد،فدا حسین،زہرا بتول،محمد طاہر،عائشہ نواز کو ڈی نوٹیفائی کیا گیا۔
منحرف ارکان میں شامل ساجدہ یوسف، ہارون عمران گل، عظمی کاردار، اسد علی، اعجاز مسیح سمیت سبطین رضاء،محسن کھوسہ،میاں خالد محمود،مہر اسلم،فیصل حیات کو ڈی نوٹیفائی کیا گیا ہے۔
بعدازاں الیکشن کمیشن نے منحرف ارکان کے ڈی نوٹیفائی ہونے کے بعد پنجاب اسمبلی کی 25 نشستیں خالی قرار دے دی ہیں۔
خیال رہے کہ گزشتہ ہفتے الیکشن کمیشن آف پاکستان نے پی ٹی آئی کے 25 منحرف ارکان پنجاب اسمبلی کے خلاف نا اہلی ریفرنسز کا فیصلہ سناتے ہوئے انہیں ڈی سیٹ کردیا تھا۔
پی ٹی آئی کے 25 ارکان پنجاب اسمبلی کا پارٹی پالیسی سے انحراف ثابت ہونے پر الیکشن کمیشن آف پاکستان نے انہیں نااہل قرار دے دیا گیا۔
