وزیراعظم اقوام متحدہ کے اجلاس میں شرکت کیلیے روانہ

وزیراعظم شہباز شریف اقوام متحدہ کی جنرل اسمبلی کے 77 ویں اجلاس میں شرکت کے لیے روانہ ہوگئے ہیں وہ براستہ لندن امریکا جائیں گے۔
اے آر وائی نیوز کے مطابق وزیراعظم شہباز شریف اقوام متحدہ کی جنرل اسمبلی میں شرکت کے لیے براستہ لندن امریکا کے لیے روانہ ہوگئے ہیں، وہ ایک ہفتے کے دورے کے دوران لندن اور نیویارک جائیں گے۔

وزیراعظم لندن میں قیام کے دوران 19 ستمبر کو ملکہ برطانیہ الزبتھ دوم کی آخری رسومات میں شرکت کریں گے اور سابق وزیراعظم نواز شریف سے ملکی سیاسی صورتحال کے حوالے سے ملاقات کریں گے۔

شہباز شریف 19 ستمبر کو لندن سے نیویارک روانہ ہوں گے جہاں وہ اقوام متحدہ کی جنرل اسمبلی سے خطاب کریں گے جب کہ اس دوران وہ مختلف عالمی شخصیات سے سائیدْ لائن ملاقاتیں بھی کریں گے۔

اپنا تبصرہ بھیجیں