پاکستان کرکٹ ٹیم کے سابق کپتان اور چیئرمین تحریک انصاف عمران خان نے ٹی ٹوئنٹی ورلڈکپ کے سیمی فائنل کے لیے بابر اعظم اور پاکستانی ٹیم کے لیے نیک تمناؤں کا اظہار کیا ہے۔
پاکستان اور نیوزی لینڈ کی ٹیم سڈنی کرکٹ گراؤنڈ میں آمنے سامنے ہے اور کیویز کی پاکستان کے خلاف بیٹنگ جاری ہے۔
پاکستان کرکٹ ٹیم کے سابق کپتان اور چیئرمین تحریک انصاف عمران خان نے بھی قومی ٹیم کے لیے سوشل میڈیا پر پیغام جاری کیا ہے۔
عمران خان نے اپنی ٹوئٹ میں لکھا کہ بابر اعظم اور پاکستانی ٹیم کے لیے قوم کی جانب سے نیک تمناؤں کا اظہار کرتا ہوں، ہم آپ سے توقع رکھتے ہیں کہ آخری بال تک لڑیں۔
