پاکستان نے بیلسٹک میزائل شاہین 2 کی تربیتی لانچنگ مکمل کرلی۔
پاک فوج کے شعبہ تعلقات عامہ (آئی ایس پی آر) کے مطابق بیلسٹک میزائل شاہین 2 زمین سے زمین پر مارکرنے کی صلاحیت رکھتا ہے۔
آئی ایس پی آر نے بتایا کہ تربیتی لانچنگ کا مقصدتربیت، تکنیکی پیرا میٹرزکاجائزہ لینا تھا جب کہ اسٹریٹجک پلانزڈویژن، آرمی اسٹریٹجک فورسزکمانڈ، سائنسدانوں اور اسٹریٹجک تنظیموں کے انجینئرزکے سینئر افسران نے بھی تربیتی لانچ کامشاہدہ کیا۔
آئی ایس پی آر کا کہنا ہے کہ ڈائریکٹرجنرل اسٹریٹجک پلانز ڈویژن نے تکنیکی مہارت، لگن اورکام کوسراہا۔
آئی ایس پی آر کے مطابق صدرمملکت، وزیراعظم، چیئرمین جوائنٹ چیفس آف اسٹاف کمیٹی اورسروسز چیفس نے سائنسدانوں اور انجینئرزکو اس کامیابی پرمبارکباد دی۔