وزیراعظم ہاؤس پہنچنے پر ملائشین وزیراعظم کا پر استقبال کیا گیا، اس موقع پر دونوں ممالک کے قومی ترانے بجائے گئے اور ملائشین وزیراعظم کو گارڈ آف آنر بھی پیش کیا گیا۔
وزیراعظم شہباز شریف سے ملائیشیا کے ہم منصب انور ابراہیم کی ون آن ون ملاقات ہوئی، ملاقات میں دو طرفہ تعلقات اور باہمی دلچسپی کے امور پر تبادلہ خیال کیا گیا۔
ملائیشیا کے وزیراعظم تین روزہ دورے پر پاکستان آئے ہیں، وزیراعظم نے معزز مہمان سے وفاقی کابینہ کا تعارف کرایا جبکہ ملائیشین وزیراعظم نے محمد شہباز شریف سے اپنے وفد کا تعارف کرایا۔