آرمی چیف جنرل قمر جاوید باجوہ سے لیجنڈ فٹبالر مائیکل اوون نے ملاقات کی، آرمی چیف نے کھیلوں خاص طور پر فٹ بال کے فروغ کو سراہا۔
پاک فوج کے شعبہ تعلقات عامہ ( آئی ایس پی آر) کے مطابق آرمی چیف سے لیجنڈ فٹبالر مائیکل اوون نے ملاقات کی۔
آئی ایس پی آر کے مطابق آرمی چیف نے پاکستان کا دورہ کرنے پر مائیکل اوون کا شکریہ ادا کرتے ہوئے کہا کہ کھیل امن کو فروغ دیتے ہیں۔
آرمی چیف نے کھیلوں خاص طورپرفٹ بال کےفروغ کو سراہتے ہوئے کہا کہ پاکستان میں فٹبال کے انفرا اسٹرکچرکا فروغ قابل تحسین اقدام ہے، پاکستان میں نوجوان ٹیلنٹ کو سامنے لانے کے اقدامات خوش آئند ہیں۔