پاکستان کی معروف شیف ناہید انصاری دنیا سے کوچ کرگئیں، شیف کے انتقال کی افسوسناک خبر پر مداح غم سے نڈھال ہیں۔
ناہید انصاری کا شمار پاکستان کی نامور شیفس میں ہوتا تھا، انہوں نے نامور ٹی وی چینلز پر کوکنگ کے پروگرام کیے، ان کی نرم مزاج شخصیت کی وجہ سے ہر کوئی انہیں بیحد پسند کرتا تھا۔
شیف ہونے کے ساتھ ساتھ وہ کوکنگ، بیکنگ اور ہینڈی کرافٹ کی کلاسز بھی دیتی تھیں، وہ بہت مہذب، مہربان اور نرم لہجے میں بولنے والی شخصیت تھیں ان کے انتقال کی خبر سامنے آئی جس نے ناہید انصاری کے چاہنے والوں کو غمزدہ کردیا۔