پاکستان ریلویز کی آمدن سے متعلق رپورٹ قومی اسمبلی میں پیش کر دی گئی، مالی سال 2024، مسافروں کی مد میں ریلویز کو 47 ارب 70 کروڑ کی آمدن ہوئی۔
رپورٹ کے مطابق سال 2023-24 میں پاکستان ریلویز پر 4 کروڑ 19 لاکھ سے زائد مسافروں نے سفر کیا، اعداد و شمار کے مطابق گزشتہ سال کی نسبت 2023-24میں 65 لاکھ زائد مسافروں نے سفر کیا۔
رپورٹ کے مطابق سال 2022-23 میں مسافروں کی تعداد 3 کروڑ 54 لاکھ رہی،سال 2021-22 میں 3 کروڑ 56 لاکھ مسافروں نے پاکستان ریلویز پر سفر کیا۔