جامعہ دارالعلوم حقانیہ اکوڑہ خٹک میں دھماکے سے متعدد افراد زخمی ہو گئے۔
ریسکیو حکام کا کہنا ہے کہ 6 ایمبولینس موقع پر پہنچ چکی ہیں اور امدادی سرگرمیاں جاری ہیں، زخمی افراد کو اسپتال منتقل کیا جا رہا ہے۔ نوشہرہ کے اسپتالوں میں ایمرجنسی نافذ کر دی گئی ہے۔
پولیس ذرائع کا کہنا ہے کہ دھماکہ نماز جمعہ کے بعد دارالعلوم کے مرکزی ہال میں ہوا، دھماکہ کی نوعیت کا تعین نہیں کیا جا سکا ہے، فوری طور پر جانی و مالی نقصانات کے حوالے سے معلوم نہیں ہو سکا ہے۔
پولیس حکام کے مطابق مولانا سمیع الحق کے بیٹے حامد الحق بھی زخمیوں میں شامل ہیں۔ آئی جی خیبرپختونخوا ذوالفقار حمید نے کہا ہے کہ 4 سے 5 افرا د کے زخمی ہونے کی اطلاع ہے۔