سندھ کے تعلیمی اداروں میں گرمی کی چھٹیوں کا اعلان کردیا گیا۔
کراچی، حیدر آباد، سکھر اور لاڑکانہ سمیت سندھ بھر کے تمام سرکاری، نجی اور نیم سرکاری تعلیمی ادارے دو ماہ کے لیے بند رہیں گے۔
محکمہ تعلیم سندھ کی جانب سے تعلیمی اداروں میں گرمیوں کی چھٹیوں اعلان کیا گیا ہے ۔ صوبائی محکمہ تعلیم نے موسم گرما کی سالانہ تعطیلات کا نوٹی فکیشن بھی جاری کردیا ہے۔
محکمہ تعلیم سندھ کی جانب سے جاری نوٹی فکیشن کے مطابق یکم جون سے 31 جولائی تک صوبے کے تمام تعلیمی ادارے بندرہیں گے۔
شیڈول کے مطابق یکم اگست سے اسکولوں میں تعلیمی سر گرمیوں کا آغاز ہوگا ۔ موسم گرما کی تعطیلات کا فیصلہ اسٹیرنگ کمیٹی کے اجلاس میں کیا گیا تھا ۔