پاکستان کرکٹ ٹیم کے آل راؤنڈر شاداب خان نے اپنے ولیمے کی تقریب کی ویڈیو شیئر کی ہے۔
ولیمے کی تقریب کی جھلکیوں میں پھولوں سے سجے اسٹیج کی خوبصورتی کو دکھایا گیا ہے اور اس کے بعد دلہے شاداب خان کو دیکھا جاسکتا ہے۔
اس کے علاوہ ویڈیو میں کپتان بابر اعظم، حارث رؤف، نسیم شاہ، حسن علی اور سابق کپتان مصبح الحق اور سرفراز احمد کو بھی دیکھا جاسکتا ہے۔
قومی ٹیم کے دیگر کھلاڑیوں نے بھی ولیمے میں شرکت کی جن کی جھلکیاں بھی ویڈیو میں موجود ہیں۔
ویڈیو کا اختتام گروپ فوٹو کے لیے اسٹیج پر بیٹھے مہمانوں پر ہوا جن میں دلہے کے اہلخانہ سمیت کرکٹرز بھی موجود ہیں۔
یاد رہے کہ شاداب خان کے ولیمے کی تقریب اسلام آباد میں ہوئی تھی، ان کی شادی قومی ٹیم کے سابق اسپنر ثقلین مشتاق کی بیٹی کے ساتھ ہوئی ہے۔