آرمی چیف کی اہلیہ کے ہمراہ لاہور میں کیپٹن عفنان مسعود خان شہید کے گھر آمد، آرمی چیف لیفٹیننٹ محمد عکاشہ طلال شہید کے گھر بھی گئے۔ آرمی چیف جنرل قمرجاوید باجوہ نے شہدا کیلئے دعا اور فاتحہ خوانی کی۔آئی ایس پی آر کے مطابق آرمی چیف نے فرض کی ادائیگی کیلئے جان کا نظرانہ پیش کرنے والے شہداء کو سراہا۔ آرمی چیف جنرل قمر جاوید باجوہ نے پاکستان دشمنوں کے خلاف مسلح افواج کے پختہ عزم کو بھی دہرایا۔
پاک فوج کے سپہ سالار جنرل قمر جاوید باجوہ نے شہدا کی عظمت کو سلام پیش کرتے ہوئے کہا ہے کہ ملک کے دفاع کے لئے اپنی جان کی قربانی دینے سے بڑا کوئی کام نہیں۔ پوری قوم کو اپنے قومی ہیروز کی ان قربانیوں پر فخر ہے۔
