وزیراعظم عمران خان کی جانب سے پاکستان تحریک انصاف کے جان نثار کارکن کے اچانک انتقال پر اظہار افسوس کیا گیا ہے۔
سماجی رابطے کی ویب سائٹ توئٹر پر اپنے ایک پیغام میں پارٹی کارکن بلال ساحل کے انتقال پر اظہار افسوس کیا ہے۔
وزیراعظم نے اپنے پیغام میں بتایا کہ بلال ساحل کی گزشتہ شب رحلت کے بارے میں جان کر نہایت رنجیدہ ہوں۔
انہوں نے کہا کہ وہ تحریک کا ایک جانثار کارکن اور تحریک انصاف پشاور کےٹویٹر کا نگران تھا جس نے اپنی گرتی ہوئی صحت اور جسمانی معذوریوں کے باوجود انتھک انداز میں کام کیا۔
ان کا کہنا تھا کہ میری دعائیں اور ہمدردیاں اپنےاس بے لوث کارکن کےاہلِ خانہ کے ساتھ ہیں۔