پاکستان تحریک انصاف کے کارکنان کی جانب سے سندھ ہاؤس کے باہر دھرنا دیدیا گیا ہے جبکہ شدید نعرے بازی بھی کی جارہی ہے۔
پی ٹی آئی کارکنان ریڈزون میں واقع سندھ ہاؤس کے گیٹ پر پہنچ گئے ہیں اور نعرے بازی کا سلسلہ بھی جاری ہے۔
اس سلسلے میں سندھ ہاؤس کے گیٹ بند کردئیے گئے اور سندھ ہاؤس کے باہر پولیس نفری کو الرٹ کردیا گیا ہے۔
اسلام آباد پولیس کی نفری بھی سندھ ہاؤس کے باہر پہنچ گئی ہے اور پی ٹی آئی کارکنوں کو یہاں سے جانے کی ہدایت کی گئی ہے۔
پی ٹی آئی کارکنوں کا سندھ ہاؤس کے باہر سے واپس جانے سے انکار کرتے ہوئے سندھ ہاؤس کے گیٹ پر دھرنا دے دیا ہے۔