حقیقی آزادی مارچ کا آغاز آج گجرات سے ہوگا، قیادت شاہ محمود قریشی کریں گے

پاکستان تحریک انصاف کے حقیقی آزادی کی تحریک کے دوسرے مرحلے میں آج مارچ کا آغاز گجرات سے ہوگا۔

تفصیلات کے مطابق وائس چیئرمین پی ٹی آئی شاہ محمود قریشی کی قیادت میں حقیقی آزادی مارچ کا قافلہ گجرات سے دوپہر 1 بجے روانہ ہوگا۔
مارچ کا پہلا پڑاؤ موسیٰ ہاوس نزد گرینڈ سٹی جی ٹی روڈ سرائے عالمگیر میں 2 بجے ہوگا جس ی میزبانی موسی الہیٰ کریں گے جبکہ وائس چئیرمین شاہ محمودقریشی 2 بجکر 30 منٹ پر خطاب کریں گے۔

بعدازاں 3 بجے قافلہ سرائے عالمگیر کے دوسرے پڑاؤ اڈہ میر پور کیلئے روانہ ہوگا اور دوسرے اجتماع کی میزبانی چوہدری الیاس کریں گے اور 4:15 بجے شاہ محمود قریشی حقیقی آزادی مارچ کے شرکاء سے خطاب کریں گے جبکہ چئیرمین پاکستان تحریک انصاف عمران خان 4:30 پر ویڈیو لنک کے ذریعے خطاب کریں گے۔

اس حوالے سے ترجمان پنجاب حکومت اور رہنما پی ٹی آئی کا کہنا ہے کہ ظلم اور جبر کی اندھیر رات ختم کرنے کیلئے عوام عمران خان کو نجات دھندا سمجھتے ہیں۔
انہوں نے کہا ہے کہامپورٹڈ حکومت اپنی آخری سانسیں لے رہی ہے جو کہ کسی بھی وقت رخصت ہو سکتی ہے اور آزادی مارچ کا ٹھاٹھیں مارتا سمندر امپورٹڈ حکمرانوں کی ڈگمگاتی کشتی بہا لے جائے گا۔

انہوں نے مزید کہا کہ جوں جوں لانگ مارچ اسلام آباد کی طرف بڑھتا جا رہا ہے عوام کا جوش و خروش بھی بڑھتا جا رہا ہے، جب لانگ مارچ اسلام آباد پہنچے گا تو لاکھوں کی تعداد میں لوگ یہاں موجود ہو نگے اور لاکھوں لوگوں کا سمندر کرپٹ ٹولے کو بھگانے کے لئے کافی ہوگا۔

اپنا تبصرہ بھیجیں