وزیر اعظم پاکستان اور ن لیگی صدر شہباز شریف نے پارٹی کے بڑے تنظیمی فیصلے کا اعلان کر دیا ہے۔
وزیر اطلاعات مریم اورنگزیب نے ٹوئٹ کی کہ شہباز شریف نے مریم نواز کو ن لیگ کی سینئر نائب صدر مقرر کر دیا ہے، مریم اورنگزیب نے پارٹی صدر کے فیصلے کا نوٹیفکیشن بھی جاری کر دیا ہے۔
انہوں نے لکھا کہ نوٹیفکیشن ن لیگ کے صدر شہباز شریف کے دستخط سے جاری ہوا ہے، شہباز شریف نے مریم نواز کو پارٹی کا چیف آرگنائزر بھی مقرر کر دیا ہے، پارٹی کی تنظیم نو کی ذمہ داری مریم نواز کو سونپ دی گئی۔