ملک میں پیٹرول کی قیمتوں میں اضافے اور ڈیزل کی قیمتوں میں کمی کا امکان ہے۔
نجی ٹی وی کی رپورٹ کے مطابق ڈالر مہنگا ہونے کی وجہ سے عوام کو بڑا ریلیف نہیں مل سکے گا، آئندہ پندرہ روز کے لئے پیٹرول کی فی لیٹر قیمت میں 2 سے 3 روپے تک اضافہ متوقع ہے۔
نجی وی نے ہائی اسپیڈ ڈیزل پر ساڑھے 8 روپے تک ریلیف ملنے کا امکان ظاہر کیا ہے۔ مٹی کے تیل کی فی لیٹر قیمت میں پانچ روپے جبکہ لائٹ ڈیزل آئل کی فی لیٹر قیمت میں تقریباً ساڑھے آٹھ روپے کمی کا امکان ہے۔