پنجاب میں نئی کابینہ کی تشکیل میں آزاد ارکان کے مطالبات آڑے آ گئے، وزارتوں کے حصول کیلئے مسلم لیگ (ن) میں سفارشوں کے انبار لگ گئے۔
موقر قومی اخبار نے ذرائع کے حوالے سے بتایا کہ مسلم لیگ (ن) کی وزیراعظم کے انتخاب کے بعد صوبائی کابینہ کی تشکیل کے لئے مشاورتی اجلاس طلب کیا جائے گا۔
ذرائع کے مطابق مسلم لیگ (ن) میں شامل ہونے والے زیادہ تر آزاد امیدواروں نے وزارتوں کا مطالبہ کر دیا ہے۔مسلم لیگ (ن) میں 23 آزاد اراکین پنجاب اسمبلی نے شمولیت کی تھی اورآزاد امیدواروں کی بہت زیادہ ڈیمانڈز کی وجہ سے کابینہ کی تشکیل تاحال نہیں ہو سکی۔