سابق وفاقی وزیر اور پاکستان تحریک انصاف (پی ٹی آئی) کے سابق رہنما فواد چودھری نے کہا ہے کہ وہ اگلا الیکشن جہلم سے لڑیں گے۔
روزنامہ ایکسپریس کے مطابق اپنے ایک بیان میں انہوں نے آئندہ عام انتخابات میں الیکشن لڑنے سے متعلق آگاہ کیا۔ انہوں نے بتایا کہ الیکشن ہوئے تو جہلم سے قومی اور صوبائی اسمبلی کے الیکشن لڑوں گا۔
فواد چودھری کا رابطے کا دعویٰ، اسد قیصر نے حقیقت بتا دی
فواد چودھری کا کہنا تھا کہ ہمیشہ قومی سیاست کی ہے، پہلے پاکستان کا سوچنا ضروری ہے۔ اس وقت جہلم سے زیادہ تر سیاست دان کونسلر لیول کے ہیں۔
خیال رہے کہ اس سے قبل اپنے ایک بیان میں انہوں نے کہا تھا ہم نے فیصلہ کیا ہے کہ بھرپور اپوزیشن کریں گے۔ 25 کروڑ عوام کو زرداری، نواز شریف اور مولانا فضل الرحمان کے سہارے نہیں چھوڑا جا سکتا۔
