پاکستان سپر لیگ (پی ایس ایل) کے دوسرے مرحلے میں مقابلے سے قبل ہی کوئٹہ گلیڈی ایٹرز کو بڑا دھچکا لگ گیا۔
تفصیلات کے مطابق کوئٹہ گلیڈی ایٹرز کے اہم ترین آل راؤنڈر محمد نواز انجری کے سبب ایونٹ سے باہر ہوگئے ہیں۔
ان کی جگہ متبادل کھلاڑی کے لیے ٹیم نے ٹیکنیکل کمیٹی کو درخواست دے دی ہے جس کے نام اعلان بعد میں کیا جائے گا۔
خیال رہے کہ محمد نواز کوئٹہ گلیڈی ایٹرز میں ریڑھ کی ہڈی کی حیثیت رکھتے ہیں ۔وہ مشکل وقت میں ٹیم کو نہ صرف بریک تھرو دلواتے ہیں بلکہ ضرورت پڑنے پر بلند و بالا چھکے لگاکر بھی ٹیم کو میچ جتواتے رہے ہیں۔
کوئٹہ گلیڈی ایٹرز دوسرے مرحلے کا آغاز کل 12 فروری کو اسلام آباد یونائیٹڈ کے خلاف میچ سے کرے گی۔
