لاہور: ٹی 20 ورلڈکپ میں پاکستان کا دوسرا مقابلہ آج نیوزی لینڈ سے ہو گا، دبئی کے میدان میں رات سات بجے دونوں ٹیمیں اِن ایکشن ہوں گی۔ دوسرے میچ میں نیوزی لینڈ اور ویسٹ انڈیز کا سہ پہر 3 بجے جوڑ پڑے گا۔
دبئی انٹرنیشنل اسٹیڈیم میں ایک اور بڑا معرکہ، ٹی 20 ورلڈکپ گروپ ٹو کی بڑی ٹیمیں پاکستان اور نیوزی لینڈ مدمقابل ہوں گی، میچ رات سات بجے ہی شروع ہو گا۔ دونوں ٹیموں نے پریکٹس مکمل ، پلان بھی فائنل کر لئے۔
قومی ٹیم کی طرف سے وِننگ کمبی نیشن کے ساتھ میدان میں اترنے کا امکان ہے جس میں کپتان بابر اعظم پھر دم دکھائیں گے، محمد رضوان بنیں ٹیم کی شان بنیں گے۔
شاہین آفریدی کی شاہینوں جیسی اڑان ہو گی، فخر زمان اور حسن علی نے بھی فُل تیاری کر لی۔ حریف کیویز بھی جیت کے لیے پرجوش ہے۔ ہیمسٹرنگ انجری کا شکار کپتان کین ولیمسن نیوزی لینڈ کے لیے بڑا جھٹکا ہے، مارٹن گپٹل، ایش سوڈھی اور ٹِم ساؤتھی پر گزارا کریں گے۔
ٹی 20 فارمیٹ میں پاکستان کا پلہ بھاری ہے، چوبیس میں سے چودہ میچ جیتے، دس میں کیویز کو فتح ملی۔ بیس اوور کے ورلڈکپ مقابلوں میں پانچ بار دونوں ٹیمیں آمنے سامنے آئیں، گرین شرٹس کو تین، بلیک کیپس کو دو کامیابیاں ملیں۔
دوسرے میچ میں نیوزی لینڈ اور ویسٹ انڈیز کا سہ پہر 3 بجے جوڑ پڑے گا۔ پروٹیز کو اپنی باولنگ پر بھروسہ ہے تو کیربینز ناقابل بھروسہ بیٹنگ کے سبب پریشانی کا شکار ہیں۔ دونوں ٹیمیں اب تک ٹی ٹونٹی ورلڈ کپ میں 3 دفعہ مدمقابل آ چکے ہیں جس میں کیربینز نے صرف ایک میچ میں فتح پائی.
